من المعروف في نظام ويندوز انك تقدر تحط خاصية حماية الدخول لنظام الكمبيوتر .. بكل بساطة تدخل كلمة السر.. ويفتح لك الكمبيوتر على طول .. لكن ما الجديد في البوست هذا ؟؟
انا اقولكم .. الحين مع تطور التكنلوجيا .. تقدر تبدل كلمة السر بصورتك من خلال الكاميرا المرفقه بالكمبيوتر .
فمافي داعي تدخل كلمة السر .. اللي اغلب الناس ينسونها ..
فهذا برنامج يخلي الكمبيوتر الخاص فيك يتعرف على وجهك من خلال الكاميرا المرفقه .. يعني اول ما تفتح الجهاز تتعرف الكاميرا على صورتك .. اذا لقت صوره ولدك والا بنتك والا الخدامة والا اي احد ثاني ... مستحيـــل يفتح :)))))
اول ما يشتغل البرنامج عليك انك تتبع الارشادات الخاصه بالاعدادات وتقوم بتصوير نفسك من خلال الكاميرا المرفقه بالكمبيوتر .
واذا نويت تفتح الجهاز .. جهز ويهك عشان يتعرف عليك الكمبيوتر وتبدأ معك عملية الدخول الى النظام وعالم البرامج والانترنت :)))
ملاحظة : البرانامج هذا ما يلغي الدخول بواسطة كلمة السر .. مخلينه لك اختياري .. وعشان اذا كنت تبي تخول احدغيرك بالدخول للنظام الكمبيوتر .
هذا اسم البرانامج LUXAND BLIND
وما عليك الا انك تضغط على عباره .. GET LUXAND BLINK NOW
حجم البرنامج 8,6 MB
مجاني
يدعم ويندوز 7 ، وفيستا
السؤال :
هل هذا البرنامج وغيره من البرامج التي تتحرى الدقه في دخول نظام الكمبوتر مهمه جدا جدا ؟؟
ماهي الجهات التي تحرص على استخدام هذا النوع من البرامج ؟؟
هل يمكن ان يكون هناك أفراد تحرص على استخدامها بعيدا عن التسليه ؟؟
هل انتم ممن يحب تجربتها .... واستخدامها ؟؟؟
شكرا على المعلومة
ردحذفانا اقول الله يخلي الماك p-:
واذا وديته اسوي له فورمات يعني ؟؟
ردحذفوبالله كنت حاطة ماكياج ؟؟
وبالله سويت عمليات تجميل ؟؟
ادري اسئلة سخيفة
اول مرور لي ومو الاخير ان شاء الله :)
ابوفلان
ردحذفالعفو ... نفيدك ونستفيد منك
:)
ـــــــــــــــــــــــــ
طموحة ومملوحة
ليش المكياج والتجميل .. مو انتي مملوحة والملح يطغي على الجمال :)
مرورج اسعدني .. :)))
حلوه الفكره وااايد
ردحذفبس ما أحب أجرب
انا عندي نفس هالبرنامج
ردحذفاسمه FastAccess
جاي مع اللابتوب مالي :)
حلو ريحني من الباسوورد كل مرة
أنا افضّل الباسورد بدون الصورة مادري ماحب نظام الصور في الكلمات السرية تسلمين جاكليته..
ردحذفحلوووة فكرته بصراحة عجبني
ردحذفبس صج مالي خلق مرات احد يحتاج لابتوبي اقوله كلمة السر اذا كنت طالعة مثلا ولا ارد البيت عشان افتحه :)
مع انها فكرة تكنولوجية
مشكوورة =)
ما ادري احس هالبرنامج مايحتاجة الا رجال الاعمال
ردحذفبس ما ادري يمكن يصير اذا حطينا صورة بدال الشخص المطلوب تتوقعين يقبل ويتبطل الويندوز !.!؟
قواج الله ^_^
مزيونه
ردحذفوايد ناس مثلج عجبتهم الفكره ... بس ما يحبون يجربون .. :))
le koweit
ردحذفزين .. يعني جربته .. ومرتاح عليه :)
عليك بالعافيه ..
حياك :))
قلم ومساحة
ردحذفصح .. وايد ناس ما يفضلون طريقه الصور في الباسوورد ... وانا منهم :))
العفو ..
هديل
ردحذفالبرنامج هذا يخيرك تبين صوره والا اسم .. انتي تحتارين .. يعني ما يلغي نظام الاسم بالباسوورد ... عشان ترتاحين وانتي طالعه :)
المطيري
ردحذفسؤالج في محله ... نجرب ونشوف :))
فكرة تستحق التجربة حتى لو بهدف إشباع الفضول. كان هناك نقاش حول إستخدام هذا البرنامج للتعرف على المطلوبين قانونياً من خلال كاميرات المرافق العامة مثل المطارات.
ردحذفتحياتي
Basees
ردحذففعلا .. المرافق العامة استخدمت الكاميرات .. واتوقع بالنهاية ما راح تكون تجربه .. راح يصير شي عادي والكل معاه خاصة التعرف على الوجه كم خلال الكاميرا للدخول الى أنظمة الكمبيوتر .. ويمكن لاي شي ثاني غير الكمبيوتر ..