الثلاثاء، 10 أغسطس، 2010

تهنئة .. بمناسبة شهرالرحمة


تقنية جديده

كثير من الاشخاص يعانون من ترتيب الخط .. او ان يكون الخط بشكل منظم على صفحات غير مسطره
ادأه جديده .. تساعدك في رسم خطوط مستقيمة دون الحاجة الى المسطره ..
او الكتابه بدون صفحات ذات الخطوط المستقيمة ..
ما عليك سوى ادخال هذه الأداة في قلم الرصاص او اي قلم
وابدأ بالكتابه .. اوالتسطير










الاثنين، 9 أغسطس، 2010

آي فون 4 مجروح


سمعنا الكثير عن المشاكل الخاصة بالآي فوون 4 ومشكلة المسكة القاتلة وحده منهم ..

البعض يراها غير مهمه .. ولا تأثر ... والبعض الآخر عاني منها بشكل يزعجه عند الاستخدام ..

انا اقول حق اللي زاعجته المسكة القاتلة ... لا تحاتي ... كل مشكلة ولها حل بإذن الله

صمموا لكم لزاق جروح .. تعرفونه .؟؟

شريط لاصق للاي فون :))

وفيه الوان بعد ...

وسعره 5 دولار

وهذي صورته

للمزيد من المعلومات

الأحد، 8 أغسطس، 2010

جاكيت خاص للآي فون و i pad




طرحت شركة scottevest المتخصصة بالملابس العصريه واللي تتوافق مع مختلف الاجهزة الحديثه جاكيت يديد
اطلقوا عليه اسم " Fleece 5 "

الجاكيت هذا فيه العديد من الجيوب ( مخابي ) تقريبا 24 مخبة اللي تساعد الواحد في انه يشيل اكثر من جهاز الكتروني مثل الاي باد .. والاي فون ..

وغيره .. حتى الكاميرات ..

الجيوب ( المخابي ) كلها مصممة بطريقه تسهل عمليه اتصال الاسلاك بالسماعات ..
فيه الوان واشكال ..

سعر الجاكيت تقريبا 140 دولار
عندهم خصم اليوم بس :)) للي يحب يطلب منهم
للمزيد من المعلومات
http://scottevest.com

ينفع حق طلعات البر ....
وقت الربيع والشتا
والسفر ..
:)

الأربعاء، 4 أغسطس، 2010

المدونات اللي تحبها جدام عينك


تقنية جديده وحلوة بنفس الوقت ..

ـــــــــــــــــــــــــــــــــــــــــــــــــــــــــــــــــــــــــــــــــــ

طبعا جرت العاده ان نحفظ المواقع اللي نفضلها في قائمة المفضلة .. وتكون على شكل قائمة منسدله في جهاز الكبيوتر .. مما يعني انه الشخص اذا غير جهازه ما يقدر يشوف المواقع اللي كان مخزنها في كمبيوتره ..!!!

ونفس الشي بالنسبة للمدونات .. طبعا الكل حافظ بعض المدونات المفضلة ( اللي اتمنى تكون جاكليت وحده منهم :)) ) ويشوفها كل ما فتح مدونته على شكل قائمة منسدله اما على اليمين او اليسار ...وأحيانا يصعب عليك انك تشوف اللي تبيه بسهوله .. بسبب تجديد المدونات على حسب تاريخ تدوين اصحابها .


اليوم يبت لكم موقع .. يسهل عليكم عملية النظر الى المدونات اللي تحبونها وتكون في صفحة وحده ..

وما عليكم الا انكم تضغطون على الصوره وتفتح لكم المدونة ..


اما بالنسبة للمواقع الثانيه .. نفس الشي .. وأزيدكم بعد ... يوفر لكم انكم تحتفظون بالمواقع وتقدرون تشوفونها من اي جهاز كمبيوتر يعني ما تتقيد بجهاز واحد .


وفيه شي ثاني بعد .. الموقع اللي بحطه لكم ... يوفر لك خاصية تقسيم المدونات.. يعني تقدر تحط المدونات بروح على حسب تخصصاتها ...والمواقع الثانيه بروح .. مثلا مواقع خاصة بالفن تحطها في قائمة الفن ..ومواقع الطب في قائمة الطب .. وهكذا ..

( حلوة وهكذا ) .. :)


ما عليك الا انك تدخل على هالموقع

http://www.keyf11.com
وتنشأ لك حساب فيه .. بالضغط على عباره

great an account now

تلاقونها فووق كللش على اليمين .. وتدخل البيانات المطلوبه .. وبعدين تضغط على

great my account

وهناك تقدر تسوي الاعدادت اللي انت تحبها



متوفر شرح كيفيه التسجيل بالفيديو في الصفحة الرئيسيه ..


شرااايكم ... الصج .. الصج ؟؟؟؟