الأربعاء، 30 يونيو 2010

إعداد الصور..للمدونات

احيانا يكون عندنا صور للعايلة وانت \ انتي معاهم ... والا صوره مع الاصحاب .. وودك تاخذ جزء من صورتك بس بدون لا تتأثر الصور كلها .. والا تحصل لك صوره بالنت .. وودك ناحذ جزء منها بس ... لقيت موقع يحل هالمشكله .. ويوفر لنا طريقة سهلة لاعداد الصوره اللي نبي نستخدمها للنت خصوصا للمهتمين بالشبكات الاجتماعية ( بلوق - فيس بوك - منتديات .. الخ )
الطريقه : 1ـ تدخل عالموقع
2ـ ترفع الصوره من جهاز الكمبيوتر
3ـ uploud
4ـ تختار من قائمة network اللي تبيه تثبت الصوره عليه ( مثلا انا اختار blogger )
5ـ تلاقي الصوره موجوده .. جدامك ... واختار الجزء اللي تبيه
6ـ bictrit
الموقع : http://mypictr.com
قولولي .. شصاار معاكم .؟؟

الأحد، 27 يونيو 2010

تعال وغير حجم الصورة ..


أغلب الناس الحين .. يصورون اما من كاميراتهم الخاصه .. الديجيتال .. او الكاميرات العاديه ..
او عن طريق هواتفهم النقاله .. والبعض منهم .. يقوم بتنزيل الصور بأجهزتهم الكمبيوتر العادي او اللاب توب .. والبعض يحب يتفنن بالصوره .. بس احيانا تواجهه مشكله اذا يبي يكبر الصوره او يصغرها .. يلاحظ انه الصوره فقدت جودتها .. عشان جذيه .. لازم يستخدم بعض البرامج الخاصه بالتحكم بحجم الصوره .. وهناك بعض المواقع اللي توفر هالخدمة مع الحفاظ على جودة الصوره ..

ومن هالمواقع يبت لكم اثنين ..

http://www.pixizer.com/

http://www.rsizr.com/






السبت، 26 يونيو 2010

whats the best ??

حاليا في الكويت .. محلين يبيعون نفس المنتج .. ( روب مثلج + نكهات ) مع اضافه فاكهة حسب الاذواق..
من هو الافضل ؟؟
pinkberry والا lakoocha
؟؟؟؟؟؟؟؟؟

الجمعة، 25 يونيو 2010

BBQ@HOME


باربيكيو .. يوصل بيتكم ... ويعيشكم بجو ممتع ..
ينفع حق بعد العيد .. لما يتعدل الجو شوي ..
ووقت الربيع ... للمخيمات او الشاليهات ..



















للطلب
99119912




BOX HILL college kuwait

للتكبير... اضفط ع الصوره ..

شيرين بانو

مطعم شيرين بانو ...

تعني المرأة الجميلة

واجهة المطعم من الخارج




مدخل المطعم من الداخل ..




هنا للانتظار .. اذا فيه زحمة ..


المنيو الخاص بالمطعم ..شيرين بانو ..



بعض صفحات من المنيو



بعض الغرف الخاصه للاجتماعات او العائلات ( برايفت )



موجود منها 3 او 4 غرف






بعض المأكولات ..


بورهاني باذنجان ... لذيذ



كباب برك .. عجيب




خبز ايراني ..




عصير جزر

وعصير افوكاو كوكتيل .. يمي يمي



المطعم عجبني .. وأكله بعد حلو .. بس ما طلبت اكل وايد..


انتو شرابكم ؟؟؟ احد راح له وما عجبه ؟؟؟ ومنو اللي عجبه ؟؟ وشنو احلى شي طلبتوه وعجبكم ؟؟


الأربعاء، 23 يونيو 2010

قرص عقيلي torino

سبق واني حطيت موضوع عن قرص عقيلي رول في مدونتي ..
واليوم يايبه لكم قرص عقيلي كيكه ..
الظاهر اني تخصص قرص عقيلي وانا مادري :)
واكتشفت بعد اني احب هالنوع من الكيك ... لاني احب الهيل والزعفران لما يكونون بالكيكه ..
احس ريحتها خنينه حيـل ..
ويا حلوها اذا صارت مع حليبه مهيله الصبح ... يا سلاااام .. يمي يمي ..
المهم .. من جم يوم زارتنا بنت عمتي ويايت معاها كيكه قرص عقيلي .. بصراحة كانت حدها عجيــبه ..ترفه حيــل
وانا على طووول سالتها من وين ... علمتني عن اسم المحل .. والحلو بعد سعرها ..
ما تصدقون ... كيكه كامله بدينار ونص ..
الله يديم الرخص ... انا قلت هالكيكه فيها بركه ..
شوفوها بالصوره ..

>





في منها نوعين .. اما بالسكر .. او بالسمسم

__________________

تقييمي الشخصي

أعطيها ***** ( 5 نجمات )

بالطعم

وبالسعر

ايه نسيت أقولكم .. يوصلونها للبيت بعد ..

للطلب .. 25635755

email : torinosweet@yahoo.com


السبت، 19 يونيو 2010

pottery barn في الكويت



من جم يوم ... وصلت مجلة محل pottry barn بيتنا ..

فتحت النايلون اللي مغلفينه فيها .. والا لقيت مجلتين مو وحده ...

مجلة خاصة بالاطفال ....


والثانيه خاصة بالاثاث المنزلي ..

من خلال تصفحي للمجلات .. حسيت انه نفس ايكيا تقريبا !!!!

بس حبيت شغله عندهم حق الاطفال .. عباره عن فوط معاها جنطه ..للسباحة



وفيه اشكال ثانيه بعد حق الاولاد ...
المحل يستحق انه نزوره ... ومكانه بالافنيوز ..

السبت، 5 يونيو 2010

مصحح الحواجب








قبل جم يوم مرت اخوي يابتلي مصحح الحواجب من ماركة كريس قولد .. . طبعا للي يهتمون بالمكياج .. اهما اللي راح يستانسون عليه ...
عباره عن علبه داخلها معجونين واحد لونه بني غامج .. والثاني بني فاتح ..






اللي على اليسار .. فرشتين وحده عريضه ووحده ضعيفه ومحدد ( جنه قلم كحل ) .. عشان تتحكمين برسمة الحاجب ..




واللي بالوسط عباره قرشه فيها كحل اسود ثقيل شوي .. ولماع ابيض لتحت الحاجب

موجود بالاسواق .. اتوقع عند الهنود .. وسعره دينارين

ملاحظة : يتم ازالته بواسطة ميك اب ريموفر .. ما يروح بماي وصابون

تقييمي الشخصي

_________________

سعره : رخيص واتوقع تلاقونه ارخص

الجوده : جيد جدا

الاستخدام : سهل للي يعرف يضبط رسمة الحاجب

ضروره الاستخدام : للاعراس فقط

الجمعة، 4 يونيو 2010

وصلت الطلبية اليوم ...

المتابع لمواضيعي .. وعدته اني احط صورة قرص العقيلي .. ووصلت الطلبيه اليوم .. شوفوه



عبارة عن بوكس فيه 24 حبه .. وكل حبه مغلفه ببلاستيك شفاف .. السعر خمس دنانير



تقييمي الشخصي :

ــــــــــــــــــــــــــــــــــــــــــــــــــــــــــ

الطعم حلو وفرش

الشكل ذرب

الخدمة حلوة

السعر معقول

الرقم الخاص للطلب

ام حامد

97720662

الأربعاء، 2 يونيو 2010

بسكوت الحظ ...




اليوم الظهر .. بعد ما خلصت من الدوام .. رحت زرت ابوي واتغدى عنده ..
جان الاقي عنده بسكوت الحظ شوفوه



جان امسكه واقولب فيه ... وسالته .. يباا .. شنو هذا ؟؟

رد علي وقاللي اخذيه حقج .. طبعا انا استانست .. جنى ياهل .. حقي يا بحتي :) بس شيطلع هذا ؟؟

قاللي بسكوت وشوفي خظج فيه .. حظي انا ؟؟؟

على طوووول فتحت الجيس مثل ما انتو شايفين



وطلعت البسكوته برا الجيس




كسرت شوي من البسكوته عشان تشوفونها ... واقدر اسحب الورقه

ضحكت على عمري .. ماهمتني البسكوته .. ابي اشوف بس شنو كاتبين بالورقه

مع اني ما اصدق هالخرافات .. وادري انها حرام .. بس بلاغة شف

وسحبت الورقه

ولقيتهم كاتبين .. انج راح تستمعين بصحة جيده

قلت ما عندهم سالفه .. قطيت الورقه .. وذقت البسكوته .. ما عجبتني ..

..واستغفرت ربي ..

***************************************************************

هالايام .. اسمع وايد ناس تتحجى عن حلو قرص عقيلي .. رول .. وما بقى احد الا وامدحه لي ..

قالولي شغل بيت ..

خذيت الرقم .. واتصلت عليهم .. وطلبت منهم كرتون واحد

ويجهز الطلب يوم اليمعه الياي ..

اذا عجبني بقولكم عنه

**********************************************

الثلاثاء، 1 يونيو 2010

متى يكون الفوز ....؟؟



بعد ما رجعت من الدوام ... ركضض على اللاب توب بشوف نتيجه المسابقه الخاص بمدونه هاي كويت .. جني ناطره نتيجة التوفل مو مسابقه ؟؟

وافتح الكمبوتير .. وادخل الموقع .. والا نتايج الماسبقه .. وقلبي يدق يدق ... واقول يالله استر . سترك يا رب .. يا رب

واقرى الكلام ... وادور اسمي .. هاه ؟؟ وينه ؟؟ مو معاهم ؟؟؟ افااااااااا ... طلعت بماده وحده ..

كانت اجابه وحده بس اللي غلط .. وحده بس ..فرقت بيني وبين الفايزين ... ( الف مبروك للفايزين )

ويا ترى من سيحالفه الحظ ويكسب الجائزه ؟؟


هالمسابقه .. اشبهها بحيانتا اليوميه .. واشغالنا .. خصوصا حياة الموظفين اللي يشتغلون بالوزارات والهيئات والمؤسسات ..حتى بالشركات الخاصه ... لما يكون الموظف حريص على الدوام .. تلاقيه يداوم من الساعه سبع الصبح ويطلع الساعه 2 الظهر ( للهيئات الحكوميه ) .. و يحاول ينتج باليوم .. ويحاول يرضى المدير ... ويخفف من اسئذاناته.. يحسن علاقاته مع زملاءه .. وحريص على لبسه المحترم اللي يليق بالمكان اللي يشتغل فيه .. ووقت الترقيات .. تلاقيه ينطر اسمه .. وينطر .. وينطر .. سنة .. ورى سنه ... لين تنبط جبده .. ويقول ليش اسمي مو موجود معاهم ؟؟؟؟ يوصله الجواب .. بانك استوفيت جميع الشروط .. عداا شرط واحد ... ؟؟؟ في كل مره ينقص شرط واحد من الشروط . تلاقيه ينقهررر .. ويتحسررر ... ويقول ... معقوله الحين ... كل هالسنوات .. ولا مره .. استكملت الشروط ؟؟؟ ولا مرة يغفلون عن شرط واحد ؟؟ واحد بس !!! .. سنوات الخدمة ماهي بالاعتبار ؟؟؟ هل اللي ترقوا .. كلهم استوفو جميع الشروط ؟؟؟ !!!

أسئلة كثيره تدور في الذهن : هل على الانسان انه يستكمل جميــع الشروط .. في عمله .. حتى يحصل على الترقيه ؟ هل على الطالب ان يحصل على الدرجة كااامله في جميع امتحاناته ... حتى يرضى والديه ؟ هل على الشخص ان يستوفي جميع الشروط حتى يحصل على وظيفه يفضلها ؟؟؟ .وهل وهل وهل ؟؟؟؟. الا يوجد هناك قدرااات تختلف من شخص لآخر ؟؟؟؟
اسئلة كثيره آخرى .... هل للحظ دور في حياة الانسان ..؟ هل الواسطة .. لها دور كبير...؟؟
ام هي ... تخطيط ودراسة من جانب الفرد .. وانتهاز الفرص ؟؟ .

فعلا اسئلة بحاجة الى إجابه ... وحتما ساعرفها في يوم من الايام ..