الأربعاء، 4 أغسطس 2010

المدونات اللي تحبها جدام عينك


تقنية جديده وحلوة بنفس الوقت ..

ـــــــــــــــــــــــــــــــــــــــــــــــــــــــــــــــــــــــــــــــــــ

طبعا جرت العاده ان نحفظ المواقع اللي نفضلها في قائمة المفضلة .. وتكون على شكل قائمة منسدله في جهاز الكبيوتر .. مما يعني انه الشخص اذا غير جهازه ما يقدر يشوف المواقع اللي كان مخزنها في كمبيوتره ..!!!

ونفس الشي بالنسبة للمدونات .. طبعا الكل حافظ بعض المدونات المفضلة ( اللي اتمنى تكون جاكليت وحده منهم :)) ) ويشوفها كل ما فتح مدونته على شكل قائمة منسدله اما على اليمين او اليسار ...وأحيانا يصعب عليك انك تشوف اللي تبيه بسهوله .. بسبب تجديد المدونات على حسب تاريخ تدوين اصحابها .


اليوم يبت لكم موقع .. يسهل عليكم عملية النظر الى المدونات اللي تحبونها وتكون في صفحة وحده ..

وما عليكم الا انكم تضغطون على الصوره وتفتح لكم المدونة ..


اما بالنسبة للمواقع الثانيه .. نفس الشي .. وأزيدكم بعد ... يوفر لكم انكم تحتفظون بالمواقع وتقدرون تشوفونها من اي جهاز كمبيوتر يعني ما تتقيد بجهاز واحد .


وفيه شي ثاني بعد .. الموقع اللي بحطه لكم ... يوفر لك خاصية تقسيم المدونات.. يعني تقدر تحط المدونات بروح على حسب تخصصاتها ...والمواقع الثانيه بروح .. مثلا مواقع خاصة بالفن تحطها في قائمة الفن ..ومواقع الطب في قائمة الطب .. وهكذا ..

( حلوة وهكذا ) .. :)


ما عليك الا انك تدخل على هالموقع

http://www.keyf11.com
وتنشأ لك حساب فيه .. بالضغط على عباره

great an account now

تلاقونها فووق كللش على اليمين .. وتدخل البيانات المطلوبه .. وبعدين تضغط على

great my account

وهناك تقدر تسوي الاعدادت اللي انت تحبها



متوفر شرح كيفيه التسجيل بالفيديو في الصفحة الرئيسيه ..


شرااايكم ... الصج .. الصج ؟؟؟؟

هناك 14 تعليقًا:

  1. هلا جاكليته
    الموقع ما فتح معاي
    :/

    ردحذف
  2. ولا أنا فتح وياي.. بس وايد حلوة الطريقة يعطيج ألف عافية

    ردحذف
  3. reemas
    هلا والله ....
    تم تعديله ... جيك عليه الحين

    ردحذف
  4. قلم ومساحة
    تم التعديل .. تقدر تدخل الحين

    الله يعافيك

    ردحذف
  5. صج والله ..صج والله ..عجبتني التقنيه :) ..اكيد مدونتج راح تكون من ضمن المدونات المفضله لدي

    ردحذف
  6. sami
    صج .. صج .. يسلموووووو

    ردحذف
  7. خوووش طريقة وتقنية وايد تسهل علينا:) مشكووووره يا جكليته

    ردحذف
  8. خووش موقع
    جدا رائع

    تسلمين جاكليت يعطيج العافية =)

    ردحذف
  9. المطيري :
    يقويج يا رب ...


    tazmaia
    العفو ... :))

    هديل :
    الله يعافيج ..

    ان شاء الله تستفيدون منه .

    ردحذف
  10. ماشاء الله يعطيج العافيه جاكليته

    بالنسبة لي أستخدم قوقل ريدر أكيد تعرفينه

    الي هو يعطيج خلاصات المواقع

    جدا مفيد جدا جدا

    أيضا طريقتج مفيده انا مسويها مع المواقع الي اتباعه كل يوم لكن بطريقة ثانيه بالآيباد :)

    أشكرج

    ومدنتج في المفضلة بدون شك

    ردحذف
  11. الله يعافيك ابو فلان ..
    تصدق ما عرفته الا منك الحين .. :)

    راح اجربه ..شكرا لك على المعلومة اليديده ..
    تسلم ابو فلان .. من طيبك

    ردحذف
  12. engineer A
    جربها .. وراح تستفيد ان شاء الله

    ردحذف