الجمعة، 28 مايو 2010

يمعه الشاليه ... وفرحتي فيها

اليوم رحت الشاليه الصبح وكان الجو الحمدلله مافي غبااار ... والمايه كانت يايه
بس ما تسبحت .. خفت من الشمس .. ومالي خلق اصير سوده
بعد الغدا .. شربت جاي مع الاهل وما بقى حلو ما كليناه..
بنت عمتي كانت يايبه كيكة حلوة من بريد توك


كانت لذيذه حيــل واايد اعجبتني

ومن الحلويات اللي عجبتني بعد في يمعتنا كيك من مطحنة الفوز اول مره ادري ان عندهم كيك
شوفو صورته

وكيكة من سابليه


هم كانت لذيــذه
ولما صار المغرب ... تفاجئت بكيكه غيرهم مكتوب عليها هابي بيرذدي ووراها اسمي ( ماقدر اقوله :))) بصراحة استانست واايد .. حسيت اني جني ياهل ..
شوفو صورتها .. من الخباز

ما اقدر اقولكم اذا اهيا حلوة والا لا .. لاني كنت شبعاانه حدي بس خشيتلي شويه منها
عشان اكلها بعدين .. قمت اقصص منها واوزع لهم

مشكوورين اهلي على الكيكه والفرحة اللي دخلتوها لي .
الله يقدرني واردها لهم انشاء الله

هناك 9 تعليقات:

  1. العمر كلوو لج يارب

    عاد كيكة الخباز شكلها بلجريده يششششششششووق
    ولذييييييذه

    جربيها مره 2 وقوليلنا..وبالعافيه

    ردحذف
  2. الله يخليج .. وعمرج يا رب
    ان شاء الله .. بجربها واعلمكم ان شاء الله
    الله يعافيج

    ردحذف
  3. ** كل عام وانتي بخير والعمر كله انشالله

    ردحذف
  4. ميمه السبيت
    وانتي بالف خير يا رب
    تسلمين

    ردحذف
  5. كل عام وانتي بخير يارب..

    والعمر كله..

    وبالعافيه..

    ردحذف
  6. كل عام وانتي بخير انشالله ..

    اول كيكه بريد توك
    شنو كراميل ؟؟

    ردحذف
  7. عاد طلعات الشاليه حق الحريم ماكو الا بلعه وتحلطم وحش

    لاهم الي يحبون السابحه ولا الأجسام تساعد :-)

    وبالعافيه ان شاء الله

    ردحذف
  8. هههههههه
    صدقت والله ... بس نبلع :)

    ردحذف
  9. يا سلام عليك اعجبتني وطعمها كتير طيب

    ردحذف