الجمعة، 30 يوليو 2010

cold stone


كثير من الناس اللي مدحتلي برد cold stone واليوم وانا بالافينيوز قلت خل اجربه .. وكانت صديقتي تقوللي اذا رحتي طلبي الخلطة السريه الخاصة فيني .. لانها تدري انه ذوقي يتماشى مع ذوقها خصوصا بالاكل والطعم ..

رحت اليوم ومريت يمه .. جان اتذكر كلام صديقتي .. وكان المحل مافيه زحمة الحمدلله ..


قمت وطلبت الخلطة السريه مالت رفيجتي وقلت حق الفلبيني ابي الفانيليا .. بس اللي بالصوره تحت للاسف خاصة بنكهة الكاكاو


المهم بعد ما اخترت القانيليا قلته ابي تحط فوقها براونيز ..



وبعدها حط لي الكراميل مع الجوز .. حطهم وخلطهم مع بعض وقام يطقطق فيهم ..







واخيرا حطهم لي



رائيي الشخصي

بالنسبة حق البرد حسيت فيه نسبة كبيره من الحليب .. فما عجبني وايد

الجوز لما أكله احس لساني يقرصني مادري ليش ..؟؟

وعموما ما راح اطلب منه مره ثانيه .. والناس أذواق .. واول مره ذوقي يختلف مع ذوق رفيجتي

فيه احد عجبه ؟؟

شنو الخلطات اللي تحبونها في البرد ؟؟

هناك 22 تعليقًا:

  1. عوااااااافي .. مممممم والله انا لي الحين ماجربتة

    بس هالمحلات لللإيس كريم اللي هبوا فيها هالايام

    مايمدحونهم وايد .. يبة خذيلج كي دي دي احلا ههههههه

    انا غير هاقن دز ما احب ^_^

    قواج الله

    ردحذف
  2. انا من راي المطيري
    هالمحلات الجديده ما تدش مزاجي
    غالي عالفاضي
    بس سمعه وشكل
    انا احب باسكن روبن
    جربي خلطة جامايكا

    عجيبه ... اذا عجبتج ادعيلي

    ردحذف
  3. احب برهم وايد

    ما احب اطلب فانيلا طعمها مليق عندهم

    اطلب كوفي وكوتن كاندي والخلطه تكون بالكوفي احط جراهام كراكر وكوكي او اوريو بس نادر ما احط الاوريو

    وكل مره اغير

    والكوتن كانجي ما ينخلط معاه يكون يمه

    خلطاتي وايد عفسه ومو ذاكره بالضبط شنو اضيف

    قبل كنت احب ماربل سلاب بس اخر مره جربته كان طعمه حليب لوع جبدي وحولت على هذا

    على فكره اسمه "كولد" مو قولد

    Cold Stone

    عليج بالعافيه

    ردحذف
  4. جربته مرتين ..

    مره اللي بشعر البنات والنوع ال2 نسيته..

    ومره ككاو وبراوني والخ..

    ال2 كانوا عاديين وانا عموما مو وايد مع البرد ..

    وبالعافيه يارب..

    ردحذف
  5. المطيري
    الله يعافيج .. الظاهر كلامج صحيح
    ويقويج يا رب

    ردحذف
  6. غير معروف
    الظاهر بسمع كلامك وكلام المطيري ..
    وان شاء الله راح اجرب طريقتك .. وراح ادعي لك سواء عجبني او لا :)

    ردحذف
  7. le koweit
    لو ادري طلبت لك :)

    ردحذف
  8. شاء الضحى

    لو ادري سالتج من قبل عن الخلطات .. لانه الفانليا كللش مو حلو عندهم ..
    تم تصحيح الخطأ .. وتسملين عن المعلومة

    ردحذف
  9. رورو
    الظاهر انه ذوقي من ذوقج ..
    بس انا ما اعتقد اجربها مرتين :)
    الله يعافيج

    ردحذف
  10. شكله لذيذ
    بس انا من راي فدوك
    غرامي كي دي دي واذا نطيت شوي باسكن :)
    بالعاافية

    ردحذف
  11. رحتله مرتين مو الي يخليك تردله طعمه عادي جدا

    بس طريقة تقدميهم هي الي اميزته عن غيره

    بالعافيه

    ردحذف
  12. ما رحتله ولا مرة بس بالنسبة للبرد بوجه عام

    أكره على شكولاته + مانغا

    أحب الفانيلا والفراولة والتوب أكثر شي..

    بالعافية عليج.. وجربي عندهم مرة ثانية لكن مو نفس خلطة رفيجتج يمكن يعجبج شي ثاني

    ردحذف
  13. هديل
    انا مثلج .. احب باسكن روبنز .. بس هالمره قلت اغير واجرب غيره ..
    الله يعافيج :)

    ردحذف
  14. ابو فلان
    صح كلامك طعمه عادي .. يمكن احنا يا الكويتيين نجب نجرب كل شي :)
    الله يعافيك

    ردحذف
  15. قلم ومساحة
    اذا تحب الفانيليا .. اخذ من غيره .. لانه الفانيليا مالتهم وايد فيها حليب .. ما عجبتني
    الله يعافيك .. اذا كتب لي اجربه مره ثانيه .. راح اغير الخلطة اكييد وما راح اخذ الفانيليا

    ردحذف
  16. هيييه كليت من عندهم مره

    بس يتعب ما قدرت اكمل

    ردحذف
  17. daloo3a
    ههههه ضجكتني الــ هيييييه
    حتى انا تعبت منه :)

    ردحذف
  18. بسالفة البرد الحديث ذو شجون شوقتينا الله يسامحج بس أظن الواحد مهما جرب يظل يحن للأنواع القديمة يمكن عشان مرتبطة بطفولته وعربانة البرد يم المدرسة حزةالهده:)

    ردحذف
  19. غير معروف ..
    الانواع القديمة صج حلوة ولها ذكريات ..
    بس احسها .. تناسب الطفوله اكثر ..

    والبرد الحديث له مذاق غير ..

    اسعدني جدا رأيك وشرفت مدونتي المتواضعه :)

    ردحذف