من تجهيزاتي لرمضان .. حلو كنت اسويه من زمان ..
تذكرته اليوم .. جان ابلش اسويه .. واثلجه بالفليزر حق الرمضان الياي .. الله يديمه علينا بالصحة والعافيه يا رب على الجميع .
وجهزت العجينة الخاصة فيها .. سويتي طبعا
وقمت قطعت الشريحة الى ثلاث قطع
بعدها كل وحده الفها رول .. والصوره تتكلم عني ..
ملاحظه : اللي عاجبني بالشغل كله انه اللي يسوي الحلو ويصفه بالصينيه .. بنتي مع بنت اختي ...
اخليكم مع الصور
وبعدها قلينا جم وحده بزيت غزير وبعدها غطسناهم بسكر ناعم ودارسين .. عن خاطرالبنات :)
بس ما سوينا الصلصة الخاصة فيها / اللي عباره عن 1 قيمر كي دي دي + 1 كيس دريم ويب
وبالوجه للتزيين كراميل .. ضروري الكراميل يعطيها طعم وايد حلو
قبل كنت اسوي نفس الطريقه بس كنت الفها بشكل مستطيلات واحطهم بجدر وبعدين اقلبه شوي شوي .. واربطه بشريطه حلوة حواليهم واصب فوقهم الصلصة والكراميل ... كانت حيــل عجيـبه ... بس هالسنة مليت من الشكل القديم .. قلت اغير ..:)
الاستفاده من العمل :
اول شي علمت بنتي وبنت أختي شي يديد عليهم .. ماكانوا يعرفونه ..
هالشغل هذا ..علم البنات الصبر .. خصوصا بنتي .. لانها من اول شريحتين لف .. ملت وقالت مالي خلق اكمل .. بس بعدين لما شافت الوضع فيه جد .. مو لعب .. كملت ..
هالشغل ... علمهم شنو معنى العمل الجماعي .. وشلون اذا اكثر من شخص اشتغلوا مع بعض .. بسرعه يخلص وبكل سهوله .
بعد ما انتهوا من العمل ... شافوا انتجاهم .. وشافوا انهم قادرين على العمل .. وهالشي عزز من ثقتهم بنفسهم ..
بعد ما انتهوا من العمل ... شافوا انتجاهم .. وشافوا انهم قادرين على العمل .. وهالشي عزز من ثقتهم بنفسهم ..
بعد ما شافوا انتجاهم جاهز للاكل .. حسوا انهم افراد تستحق الشكر ..
فعلا كانت تجربه ... واستفادوا منها ..واستحقوا الشكر عليها .. واتوقع انها راح تكون موجوده بذاكرتهم ... وما ينسوها ..
انتوا ؟؟؟ في لكم تجارب وانتو اطفال .. استفدتوا منها ... وما تنسونها طول حياتكم ؟؟؟
احبه هذا الحلو
ردحذفتسلم ايدج
تسلم إيدج وايد بنتج.. روعة وشكله حيل خفيف
ردحذفأحب الأشياء الخفيفة والي ما تثقل على الجبد. شكلها شوي ياي على درابيل..
اهم شي غسلوا ايديهم :)
ردحذفdodoq8
ردحذفايه حلو .. ويونس
الله يسلمك
قلم ومساحة
ردحذفالله يسلمك ..
هذي اخف من الدرابيل .. وما تتفتت مثل الدرابيل :)
sami
ردحذفهههههههه ايه غسلوها بماي وصابون
حتى لو ما غسلوها .. يا حلوها عندي :)))
مساء الخير :)
ردحذفأول شي يعطيكم العافية (كل اللي شاركوا بالطبق)
وثاني شي حلو إنج تعلمين البنوتات الصغار أشياء خفيفة يستفيدون منها وتعطيهم ثقة بنفسهم إنهم يقدرون ينجزون أشياء بنفسهم
أما بالنسبة لتجاربي في الطفولة فما أذكر بس كنت أحب الألعاب اللي فيها سوالف المطبخ :)
بالعااافية على قلوبكم
ردحذفيحليلهم اشتغلوا بضمير انا عن نفسي امل خخخخ
يستوي بعد تحطووون داخله جبن
ردحذفيطلع لذييييييييييييييييذ يمي يمي ^^
amwaj
ردحذفالله يسلمج ..
صحيح البنات تعلموا واايد من التجربه .. واهمهاانها عطتهم ثقه بنفسهم ..أكثر
حياج ك))
هديل
ردحذفشدعوه ما ملوا من اول شي .. بس كنت انا وراهم ههههههههه
daloo3a
ردحذفايه صح كلامج .. بالجبن الكيري تكون احلى .. بس هذي اخف :))
عليكم بالعافية وتسلم ايدين البنات ..
ردحذفالله يخليهم لكم يارب ويصلحهم ويهديهم ويبلغكم فيهم اللهم آمين << دعوه عياييز :)
بالعافية عليكم يارب
ردحذف=)
حلو ماشاءالله..
ردحذفاهي شغله بسيطه بس مناسبه لسنهم..
ماتبين تدربيني معاهم خخخ..
والله يخليج لهم يارب..
مشكوره..
engineer
ردحذفالله يعافيج ويسلمج
آآمين
يا حلوهم العيايز :)
fiona
ردحذفالله يعافيك
رورو الشخبوطة
ردحذفاي والله حيل بسيطة .. قلت اشغلهم بدل ماهم مجابلين التلفزيون لا شغل ولا مشغله هههههه
يالله تعالي .. عندي واايد اشياء مناسبه لسنج :)))
الله يخليج ويوفقج يا رب