ثاني يوم العيد .. وفترة الصبح والضحى .. اخذتهم راحة لي .. وما طلعت من البيت .. بس حزة الظهر .. رحت مع عايلتي تغدينا برا البيت ... وما كان في بالنا مطعم معين .. ولا حجزنا لنا من قبل .. قررنا واحنا بالسيارة نروح الافينيوز وهناك نقرر اي مطعم .
ولما وصلنا المجمع . الا ما شاء الله زحمة الناس ما تخلص بهالمجمع .. واستغربت ان ليما الحين الناس تتسوق وتشتري .. انا قلت قبل رمضان يشترون عشان العيد .. بس الحين هم يشترون .. ما شاء الله عليهم ..
المهم رحنا صوب السينما قلنا يمكن نشوف فلم وناكل بالسينما .. بس لما شفنا الزحمةوالطابور عليها هونا ..دخلنا صوب المطااعم اللي يم السينما ... والا مافيه زحمة واايد عليهم .. واحد بس اللي ما شاء لله طابور عليه ...
عاد انا قررت وقلت ابي مع الناس .. على المطعم لاني مليت من اكل الشرقي .. وعاد صفطنا مع الناس على مطعم فرايديز ..والحمدلله حظنا حلو .... بسرعة نادونا .. ما طولنا بالانتظار ..
وطلبنا وجباتنا .. اول شي عصير التوت البارد ..
وعصير الليمون ..الازيرق
المقبلات .. مكرونه بالجبن .... اكثر شي عجبني .. يمي يمي .... زين لحقت على وحده وصورتها هههههه
السلطة الخضره .. هم حلوة .... حبيتها
والوجبات الرئيسيه .. دياي مع المشروم وبطاط مهروس
البطاط بصراحة واايد حلو.. واكتشفت سبب حلاته .. لقيتهم خالطين معاه ذرة بس مو مبين لانه مهروسين مع بعض
بس حلو ... قلت راح اجربها بالبيت :))
الطبق بالنسبة لي .. حلو
همبرجر .. حدها عاديه .. وكان البرغر يابس شوي .. والصمونه حيـــل متينه ..
مره ثانيه ابدا ما راح نطلبها ... :(
الوجية الثالثة ستيك ... بس ما صورته ... هم كان عادي ...
بعد ما خلصنا من المطعم .. تمشينا بفاتاسي وورد .... وبعدها وهو الاهم بالنسبة لي ..... رحنا حق اللي كنت انطره من رمضان
يعني شهر وانا انطر متى العيد عشان أكله .. تدرون شنو اهوااا .... بنك بري :))))) يمي يمي يمي .. وعلى قوله ملاك في اميمه في دار الايتام .. أقــوى شي :))
والحمدلله ... والف الحمدلله .. العيد كان .... اقوى شي بالنسبة لي :))
بالعافية ان شاء الله
ردحذفشوقني عصير الليمون الازرق :)
والله السوق ما ينطب وقت العيد انا هالعيد ما رحت ولا مكان
بالعافيه
ردحذفبس المطاعم بالعيد ووقت الزحمه ما أحبها يصير شغلهم سريع سريع والاكل يطلع نص ونص
غير لما تروحلهم وقت الرخاء :-)
بالعافية إن شاءالله
ردحذفما أحب هالنوع من المشروبات، أفضل الطبيعية أحلى :)
عليكم بألف عافية :)
ردحذفهلا جاكليته
ردحذفزين ان حصلتوا مكان بالأفنيوز
من الزحمة أنا كرهت عمري
بس بالعافية عليج
عليكم بالعافية
ردحذفوان شاءالله كل أعيادج حلوة وسعيدة :)
بالعاااااافية عليكم
ردحذفاشتهيت المعكرونية ..
^_^
هديل
ردحذفايه عصير الليمون .. طلع احلى من التوت ..
زين سويتي .. السووق كان حيــل زحمة ..
بس انا كنا بعيد عنهم ... وجهتنا للمطعم على طول :))
ابو فلان
ردحذفالله يعافيك ..
صح كلامك ... كانو سريعين ومو عارفين يلبون طلبات الزباين بسرعه ... وبنفس الطريقه والفن اللي يقدمونها لهم بايام العاديه .. بس تغيير لنا .. شنسوي :))
حنان
ردحذفالله يعافيج ..
مره طبيعي .. مره شراب .... تغيير بس :))
امواج
ردحذفالله يعافيج :))
المزيونه
ردحذفهلا فيج والله ..
الحمدلله .. تصدقين .. لومقررين من قبلها جان ما رحنا .. بس يت ع البركة .. والحمدلله
الله يعافيج . تسلمين
انجينيير ا
ردحذفالله يعافيج... جزاج الله خير ..آمين . أجمعين :)
المطيري
ردحذفالله يعافيج
تصدقين واايد حلوة .. تستاهل الواحد يطلبها
اذا رحتي طلبيها .. وادعي لي :)
بالعافية :)
ردحذفحلو فرايدز احب آكل فيه ..
بس ماحب اطلب همبرغر ابدا حلاته ستيك :)
وعن السوق ماشاءالله الناس ماتخلص مشترواتها ابدا ابدا :)
متابعة جديدة لك ولمدونتك :)
كوني بخير
توينكل
ردحذفالله يعافيج
ايه انا مثلج .. احبه واحب بطاطهم الناجوز بس هالمره ما طلبته .. نسيته من اللويه :))
صاجة الناس ما تشبع مشتريات كلللش
حياج الله يا عمري .. تشرفت فيج
وانتي بخير :))
بالعافية يارب
ردحذفاحب اكل الستيك من فرايديز
و عندهم بطاط مادري شلون هم لذييذ
و على السوق .. يمكن يجهزون حق السفر او يكملون بدلهم
و كل عام و انتي بخير مؤخراً
تحياتي
كتكوته
ردحذفالله يعافيج ..
ستيكهم انا ما ذقته .. بس كل يمدحه ..
ايه البطاط عندهم حلو ..بكل اشكاله :) يمي
انا قلت مثلج .. قلت يمكن اخل الخليج ويايين يتسوقون .. ولو اني اعرف الكويتيين :))
وانتي بالف خير وصحة ,, ومن تحبين :))
شرفتيني بمدونتي
اي واحد يروح هالمطعم مجرّد "بهرجة" !!
ردحذف