السلام عليكم ..
اخيرا رجعت لعالم التدوين .. ومشاركة المدونات والمدونيين ... من بعد غياب تقريبا شهر لتمتع بطعم رمضان ..يا حلوة من شهر طااف بسرعه حيــل .. الله يعطينا عمر واياكم .. ونصومه السنة اليايه يا رب .
اليوم .. يعتبر اول يوم للدوام الرسمي من بعد اجازة العيد .. بس انا الى الان في اجازة وما داومت .. قلت اريح شوي من بعد تعب لوية العيد .. وفرصة عشان اصوم الست من شوال قبل لا اداوم ..
واليوم بعد .. يعتبر اول يوم دراسي حق بنتي .. الله يحفظها لي يا رب .. واول مرحلة دراسية يديده عليها .. صارت مع البنات الكبار الحين .. يعني رجعنا حق لويه الدراسة والتجليد ونروح نشتري اغراض المدرسة .. الله يعينا ان شاء الله ..
المهم ... ولهت حيـــل حيـــــــل حق التدوين .. وولهت على كل شخص شاركني في مواضيعي .. وولهت على قرايه موضيعكم ..
من اليوم راح ابدا بمشاركة اخواني وخواتي بمواضيعهم .. وراح اعلق على مواضيعهم .. حدي مستانسة .
واقول حق كل شخص زار مدونتي ,,,, شخباركم ..؟ وتقبل الله طاعتكم ... وعيدكم مبارك .. :)))
البوست القادم راح اتكلم عن ايام العيد .. شلون قضيتها ووين رحت ..
منا ومنج يارب وعلى احبابج :)
ردحذفالله يعينج على التدريس انا عيالي داومو برمضان بأول 9 فيعني عديت مرحلة البدايات :)
الاوركيده
ردحذفانتم السابقون ,., ونحن اللاحقون يعني :)
تسلمين على ردج لي .. كلج ذووق ..
منا ومنج صالح الأعمال .. وكل عام وانتي بخير
ردحذفنترقب رجعتج بلهفة :)
دمتي بخير
عيدج مباارك
ردحذفواهلا فيج من جديد
بس بسألج سؤال فضولي بنتج مدرسة خاصة :) ؟
ولكم بااااك :)
ردحذفتقبل الله منا ومنج انشاءلله صالح الاعماال .. بالتوفييق :)
engineer
ردحذفوانتي بالف خير ..
تسلمين .. انا اكثر والله
مشكووره
هديل
ردحذفعساج من العايدين والفايزين
يا حلو سؤالج الفضولي ... ايه بنتي بمدرسة خاصة . الله يحفظها يا رب
المدارس الحكومية بعد ما بدو .. يبدون بأخر الشهر هذا ..
asma-kw
ردحذفيسلموو ...
الله يخليج :))